Siaha 31stOct,2009 (Pachynoh): Atamy dawh 7:30 am pa liana kha ta Puhpa J.Vialua(L) samohpa Ami Byhnadaorili(F) 9 month, D/o Puh F.Lalpanliana nata Pino J.Vari (J.Vialua(L) saw chano no) cha Pneumonia pasana vata Nursing Home, New Colony, Siaha liata khizaw maniah a kha sai(thi) haw. Atanoh 1pm pa liata Meisavaih Thlasu, Siaha liata pabu awpa a cha.
Ami he apasana tawhta vaw rei pa hawta, thohna O liata mohopa a cha. Zahkahnia 29th & 30th Oct,2009 liana khata amapaw J.Vialua(L) Tribute Concert, Mara Hlasapa Py(MHP) General Headquarters, Siaha ta a pachhuahpanoh pa Siaha Tlylia(Siaha Vaihpi) liata rohna ngasa pata ahmapa cha ta, cha daihti a chhapa tawh nata Ami( J.Vialua{L}samohpa)apaha pa he, Siaha Herald Daily News, Editorial Board ta athi saipa chhokha zy eima taokhei hmeiseih.
Marapa saw Khizaw su to liata a y/pahra zydua ta Pihno Halleluia No(W/o J.Vialua(L)) nata chhokha zydua chata Siaha Herald Daily News, Editorial Board ta Thlachha khei awpa ta ahawna eima tao hmeiseih. Thlachha abao rairi chyu lyma ei suh vy.
