( Herald News/Kawl Eng ) :Tarlan fo tawh angin, MADC area chhunga Middle School zirtirtute leh Prima-ry Zirtirtute chuan, an arrear hmuhtur ang hmulo anga an in ngaih avanga MADC leh Mizoram sawrkara an nawr-na te chu hlawhtling lova an hriat avanga School an kallo leh zirlaite hnena zirtirna pe lova anawmna chu,MSO Hqrs. Siaha te leh Joint VC ten palai hna an thawhna tihl-awhtlingin vawiin atang hian mahni thawhna School theu-h ah zirlaite hnenah zirtirna an pe tan leh tawh dawn a ni.
Hetilai hian Middle School-ah leh Primary School ah Zirlai ten zirna an hmuh lo chhunga an thiam tur leh an hriattur an hriat lo phahna man erawh hi engzat man hu vel nge ani ang tih erawh chu chiang taka hriat a ni theilo a ni. Nimin piah lama Press Club-a heng MSTA te leh PTA ten Saiha a thuthar lakhawm tute an kawmna ah hian an hotute chuan,MSO te leh Joint VC te hmalakna a zahawmin hetah hian kan pawl chuan, thawhtan atanga school kal theuh nise,a ti a. October thlahlawh pek ruala he kan thil ngiat hi a hlawhtlin loh chuan tuna kan thil tih hi chhunzawm a ni leh ang tih an sawi nghal bawk.
Hetilai hian,MADC hotute chuan,he Arrear tur sum hi Aizawl lamah theihtawp chhuahin an beih mek zel tho tih an sawi a.He an hmalakna hi a hlawhtlin thuai an rin thu pawh an sawi bawk. MSTA leh PTA te chuan,MADC sorkar hmasa lama Pu M.Laikaw CEM a nih lai in he kan Arrear hi pe turin a tifel tawh a.Mahse, Mizoram ah Pu Lal Thanhawla a lo sawrkara pek kan ni leh tawh lo ani
