( Herald News ) : Atakô 2012 March Thla liana heta, NSV ta Chhimtuipui Icon Hlasa ataopasuâna apachhuah panoh aw, he chôchâh liana heta, Chhitha tuhpa atlyna hnei khâi hapa châ ta,
Chairman Puhpa, Jeffery Khara,Vice S.Laldinthara, Secy N.Solomon Beihlôtha, Asst. Zamvela Ralte, Info.Secy PT. Lalhnehzova zy ama châ aw, tahpa ta bie daopa a châ. March thla tari noh 6 pa tawhna khi ta ataopasuana ythei aw ta, NSV liata Form Rs.10/-ta latheipa châ ta, February thla chhôh liana heta pangia chyu awpa ta NSV ta apahnosa.
1st – Prize châta, Scooty nata Rs.50,000/- châ ta,
2nd – TV nata Rs. 20,000/- a châ aw.
Reih Hla :- Mara, Lai, Mizo, English nata Hindi zy chhao sathei khâipa a châ aw.
Hlasa ataopasuana liata apua khopazy cha, Kô 15 pa tawhta kô 35 pua thei aw ei ta, Artist/Music Video/Audio cassette avaw tao ha chiepazy chhao puathei khaipa a châ aw , he Icon pachhuah panohna liata Chief Judge châta Puhpa WB.Manner Azyu cha raopa a châ tahpa ta eima bie daona ta reih.
