( Herald News ): Zahnia kha MTP(H), Siaha chhithatuhpazy ta Puhpa S.Khipo, CEM,MADC chareipa ta atahma hlata Siaha liata Marasawzy ta ama pacha peimawh kaw saipa Pala Tipo kiah liata Tokalo khih pasie awpa chochah ama reikhei.
He Tokalo khih pasie awpa he Pala Tipo tawhta 1km ahlana su liata pasie awpa a chapa vata MTP(H) ta he tawhta daihti akaw sie lyma awpa liata Pala Tipo chata apha nata pangiasana ama hnei leipa vata, khih pasie awpa he paryhsa mah lei awpa ta MADC chhithatuhpazy hnota ama tlokheipa a cha.
He Meeting liana heta Executive Member,MADC pathoh chhao a hlao hra. EM 3-pazy chhao ta pasie mahlei awpa he ama paryhsana bie ama reih hra. Meeting liana heta biechhana cha taopa cha mah leipa ta, chahrasala thlaheipa( February ) noh 2 pa ta All NGOs zy nata Concerned Deptt. zy chhaota he khih pasie nawpa su he mo tuapa cha hri sala tahpa biepathluna ama tao.
Zako November liana khata State Level Steering Committee for Palak Lake & Tamdil Wetland Conservation Project Member-zy ta Pala Tipo he tly ei ta, atahma ta hmalana he hlaopatloh mah lei awpa ama khona zie chhao ama palasa hra. Phura tawhta Tokalo khih Motor lathloh chhia pa chhao he Tipo tawhta 5km ahlana liata chhiapa cha sala tahpa chhao sawkha lata tlokhei chiehpa a vaw cha haw hra.
