RSS

MDF & MNF JOINT ELECTION MANIFESTO – 2012

15 Apr

(Herald News/Maraland Politics) : He ary liata palasapa he 10th MADC Election 2012 ( Date of Polling : 03/05/2012) liata Co-ordination(MDF&MNF) Party Manifesto cha ta, Congress Manifesto chhao vaw palasa eima chhuah hei hra aw.

————————————————————————————————————————————————————————–

             MDF nata MNF ta 10th MADC General Election, 2012 liata Khazohpa nata zawpizy khokheina topa ta MADC liata sawhkhâna a padua khiata cha:-

MADC liata sawhkhâna ipa (stable), sawhkhâna phapa, adopa nata pathaihpa a padua aw.

POLITICAL:

Mararâh châta Political Status asâh viapa (Higher Political Status) a tei lymâ aw.

MADC & A BIEHNEINA:

1. India dâh Sixth Schedule ta a pasaina hawhta eima Autonomy (Sasyh Ryureina) châna dopa pabohsa ta palaiseihsa lymâ awpa.

2. MADC ta a biehneina râh chhôh leilô, ti nata tlâh zy, a hneirôna zydua chhao pabohsa ta zawpi hmahsiena châta hmâ phahnai lymâ awpa.

3. Government of Mizoram nata National Thermal Power Co-operation (NTPC) ta Beinô  chavah ti toh ta,“ Kolo- dyne Stage-II  Hydro-Electric Project ” tao awpa  ta MOA  ama  taopa liata  eima  biehneina chhupa  ta State Sawhkhâ ta eima râh leilô liata biehnei khai â chhuahpa tawhta thlai ta pachhapapua awpa.

4. MADC dâh (CCB Rules) pananopa liata eima Autonomy aboh khao leipa he eima dâh pananopa ta thlai ta pachhapapua awpa.

5. Government of India ta kô 1993 hnôh lâ tawhta Autonomous District Council zy hnohta  Biehneina lai viapa pie awpa ta avaw pachhuahpanoh lymâpa, Commission/Committee nano nanopazy chhao avaw tua khai ha chiehpa atanoh taihta MADC ku liata piepa a châ mâh leipa he eima Autonomy pabohsana chôta lapapua ta eima râh châta hmâ phahnai awpa.

MADC ADMINISTRATION:

1. MADC Administration & Management araokei khai hapa taopathi awpa. MADC duahmo mopasia ta taopathi nawpa châta abyuhna hawhta Commission/Committee padua ta hmah la awpa.

2. MADC amohôhna phapa, siapa nata adopa y sala hmahsie via nawpa châta Commission/ Board/Committee nano nanopa zy padua ta hmah lapazi lymâ awpa. i.e. Recruitment Board/Revenue Board/Agriculture Reform Committee/Education Reform Committee etc…

3. Village Council Administration & Biehneina sianô kawpa tao ta V/C zachhihna pabohsana chôta mohôh ta palaiseihsa via lymâ awpa.

4. Town Planning Committee thlai padua ta eima khihpizy mohôhna nata avaona sianô kawpa ry liata siekhei ta râh leilô araopazy pabohsa ta khihpi palaihseihsa via lymâ awpa.

5. Eima râ leilô mohôhna nata avaona kyh, râh apiena kyh zy liata asianô kawpa ta tao ta, Tax bitaina nata alapakhyna sianô kawpa hnei awpa.

6. MADC liata Arts & Culture Deptt. thapatlô ta  eima Identity pabohsa ta, eima Culture nata Custom zy pabohsa ta palaiseihsa lymâ awpa.

7. Khizaw hmahsiena chadai pha hra awpa ta I.T palaiseihsa ta sawhkhâ nata zawpi hmahsiena châta hmâ phahnai awpa.

8. Health & Sanitation liata hmahsiena eima hnei via lymâ nawpa ta hmah la lymâ awpa.

9. MADC area chhôh liata rairupa zy châta ochô râhvâ diapa lymâ awpa.

10. MADC liata Planning Deptt. thapatlô ta hmâ phahnai lymâ awpa.

ECONOMY:

1. Eima râh leilô hneirôna hmâ phahnaipa ta zawpi niebaw tluana lâthlôh sianôpa nata apahnieh tlâh châpa pachhuahpanohpa ta mohôhpazi lymâ awpa.

2. Zawpi niebaw tluana châta abyuhna nata angiahna hawhta lâthlôh (road) phapa tao lymâ awpa.

3. MADC Development sôh nata CSS zy hmâpa ta Scheme/Project phapazy taopa ta râh nata zawpi hmahsiena châta hria lymâ awpa.

4. MADC area chhôh liata sôhdaoh/Sôhpalie penawh zy dâh nataphôh hawhta asianô kawpa ta mohôh ta deichhy lymâ awpa.

EDUCATION:

1. Education hmahsie via lymâ nawpa châta a hriatuhpazy zachhihna pabohsa ta, ama tovyuh do kawpa patosa ta ama thaina nata sona râh châta hmâ phahnai lymâ awpa.

2. Hriatuhpa lana kyh liata chyhsa thaipa, siapa, phapa nata chyhsa dopazy la ta hmâ lymâ awpa.

3. Education Mohôhna kyh liata athai penawhzy nata asaohiahna phapa hneina chôta siekhei ta, Village level liata V/C, NGO, Board, Committee nata zawpi zy chhaota hriaparaohna phapa hnei lymâ awpa.

4. MADC area chhôh liata Deficit Middle School zydua Mass Provincialization liata so khai ta, a hriatuhpazy duahmo nata school amohôhpazi lymâ nawpa sianô kawpa tao awpa.

5. Primary School zydua liata students nata school hmobaohzy mohôhna phapa nata sianôpa a y thei nawpa ta Staff (IV Grade) so lymâ awpa.

6. Mararâh khôtho lâta achu haipazy rairuna mokhei ta, Competative Exam (UPSC) ataopazy, thaina/achuna asâh patluapa achupazy mohôh ta deichhy awpa.

YOUTH AFFAIRS:

1. Thyutliapa, lâthlôh do leipa liata a chhih ngâ haipazy pachhapapua ta hmahsiena lâthlôh liata chhihtha awpa nata thyutliazy ama talent chyu liata deichhy lymâ awpa.

2. Thyutliapazy, ama sapa nata thlahpa liata ama hmahsie nawpa châta facilities nano nanopazy abyuhna nata angiahna hawhta taopa lymâ awpa.

SOCIAL:

1. MADC Sawhkhâna nata Awnanopa ahriaparaohna phapa hnei lymâ awpa.

2. MADC Sawhkhâna nata NGO zy ahriaparaohna phapa hnei lymâ awpa.

3. Eima râh Awnanopa, zawpi zy apôhkhana pha kawpa a y thei nawpa ta hmah la lymâ awpa.

CO-ORDINATION-MANIFESTO-MIZO

________________________________________________

Published by MDF & MNF Co-ordination Committee, Siaha

____________________________________________________

About these ads
 
1 Comment

Posted by on 15/04/2012 in Thatih(News)

 

One response to “MDF & MNF JOINT ELECTION MANIFESTO – 2012

  1. belysa

    16/04/2012 at 4:42 am

    mani festola apha kawna chasa hehawta aja sie thei ma???tpa deka pacya abyu

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

%d bloggers like this: