( Herald News/ Buannel Editorial) :
Kan hmalawkah MDC inthlan kan hmachhawn leh dawn a, Mizoram inthlan apianga sawi tel awm thin chu Vote hralh hi a ni awm e. hei hian Mizoram hmel a tichhia a, kan nun society pawh -in a chhiat phah hle ani. Mithiam ten an sawi thin a,
Mihring hralh theih hi chi hnih a awm a, pakhat chu Sal a ni a, an duhlo chungin an an man a, an hruai a, an hralh thin a, sal te chu an dinhmun a hnuaihnung tih kan hria a, anmahniin thuneihna an nei miah lova, an taksa chungah pawh thuneihna an neilo. A neitu a pu thu thu a awm tur a ni mai a ni. A pahnihna chu Hmeichhia inzuar thin te hi an ni. Mizo in KS kan tih hi khawvel hmun tinah an awm a, an zahawmna, an taksa leh an zahawmna ngei pawh an duhthlanna ngeiin sumdawn nan an hmang thin a, mihring inzuar thin chihnih kan neih te hi chu khawvel hriat leh pawm a ni.
Mahse tunlaia kan buaipui Vote hralh te kan rama lo awm ta hi a pawi tak zet a, inthlan dawn a pianga Vote leilo tur leh hralh lo tura Candidate te leh mipuite inzirtir kan la ngai hi chu Mizoram Kristian State, Pathian Nung bia tia kan Pu berin a sawi lar fona rama thleng reng hi chu a pawi takzet a ni.
Mihringin a zahawmna, a hlutna- India Democracy ram ropui taka khua leh tui kan nihna anga hlutna min pek ve- chanvo pawimawh tak kan neih ve hi kan la tichingpen fo a nih chuan Kan Pathian zahlohna leh kan India dan pui tih-hmelhemna lian tak a ni. Kan mihring zahawmna leh hlut ve na pawh tichingpen duh mihring kan nih fo chuan mi a zawnga mi vanduai ber, mahni dikna chanvo pawh hmang theilo, mi khawihthlak ber kan ni. Vote hralh leh lei hian a leitu Politician rilru a tichhia a, a lei mihring a tichhe bawk a, Sorkar leh ram a tichhe bawk ani. Chuvangin i fimkhur ang u, dikna i lantir ngam ang u.
