RSS

MTP nata MJA District (Hqrs)Siaha zy Eima rah chata Hria paraohna hnei haw.

04 Jun

( Herald News) : MJA nata MTP Gen.Hqrs ,Siaha zy ta, Hmopha  taona kyh liata ahria paraoh nawpa, Pachynoh 2012 la liana khata, Hriaparaohna bietaina  Mara rah chata Ku cha rohpa ta hneipa cha ta, MJA President Puhpa CZ.Hluna nata MTP President Puhpa T.Chatlua ta Ko-2 chhoh chata, Mara rah khihpi Siaha liata bietaina moh a ma roh rairie.

Siaha MJA nata MTP heta ama raihria tuachai awpa a eikhana liana heta June thlachhoh liata eima niebaw tichho beichhona chaipa, Gas chochah liata rairuna atlopa nata ado ngaitapa ta raih papua thei bah awpazy nata tho tlah khih la ta, Electric Current  Rajiv Gandhi Grameen Vidyutikaran Yojana(RGGVY) raihria  dah a dochah leipazy moh pasia laih awpazy nata Bank tawta Phusa pathapa chyhsazy ta rairuna a ma tyhna chochah  alaichadai/mopazina hnei awpazy reipahmaohna hneipa cha hrata, he joint meeting Siaha Press club ama hneina liana heta, MJA President Puhpa CZ.hluna chhithana ry lia, Puhpa T.Chatlua, President MTP(Hqrs) Siaha  ta,  MJA nata ahrialahpazy hnota biereina pasyuna nata ahawna biereina ahneina liata, Eima rah chi nata pho chana heta,  Riapha ngaitapa ta hmiala toh via lyma awpa hmala ama apeimawhzie nata eima Ko  phuah pa Mara reih nata Chi napho Chahna pabosana zy chhao thatlo kawpa ta siekhei lyma awpa a ma chhuana biezy chhao reih, eima thatih biethie hiezah tuhpazy peimawhzie reihna liata mara thyutlia sawzy chata Eima Mara rah thatih/Biethie hiezah tuhpa MJA/media  zy hnota a ma peimawhzie  alaha kawpa ta a reih, Mara rah liata KHIH MOH nata Chavah, Ti, nata Tlah, Rah MOH eima hneipa Moh zydua nata peimawhpa maih,etc eima manoh pamawh daihti no ta, Moh dopa ama vaw hneichiepa, Reih hropa ta phichhypa alyukawpa ta nata palie chakhyh thlaleipa ta Marasaw ta eima moh bipa Origin Mara reih ta eima awna dah ta hawhta, roh ta palaha bah awpa ta,  ahawna bie chhao a reih pahra. He Jt,Meeting hneikhai tawhna heta alykawpa nata loraoh kawpa ta, zala pati dolah khona nie pahmaona ama  hnei pahra.

About these ads
 
Leave a comment

Posted by on 04/06/2012 in Thatih(News)

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

%d bloggers like this: