( Herald News ) : Dt.16/06/2012 nohchho 11:00AM pa MTP(Hqrs.) Office, New Colony (New Siaha Road) liata Puhpa T.Chatlua, President,MTP(Hqrs.),Siaha chithana ry liata MTP(H) Chhithatuhpazy nata Siaha Town Branch O.B zydua Meeting hneipa cha ta.He daihti ama hmana liana heta Mara rah chho zydua nata Siaha Town chho liata Paritheipa adyuna thatih reipahmaohna ama hnei.
Paritheipa cha MTP Constitution liata palasapa hawta adyupazao lyma awpa a cha no ta, Parithiepa adyuh nawpa dah Guideline taopa a acha leipa vata rairuna ama tyhna pathla nawpa dahzy ama reih. MTP(H) bie reipahmaoh pazy cha he hawhna heta biepathluna hneipa a cha
1.MTP(H) ta Parithiepa adyuh nawpa dah Guideline taopa cha sala,Guideline tao hla deikua Branch to ku liata pahnieh khaipa a cha. Siaha Town chho liata Branch zydua Dt. 23/06/2012 noh chha hlata ama olyu chho (Area) to liata Paritheipa azuahpa nata ataopa Census hneipa ta MTP(H) ku liata pangia chyu awpa ta pathlupa a cha.
2.MTP Gen. Conference Tipa 2012 tah Kophuah ahneipa ‘Agenda, alaichadaihpa ta ” Mara reih, chi nata pho pabosana ” tahpa biepipa cha, reipahmaohna hneipazipa cha lyma ta, ko phuahpa alaichadai na nata hmala pathao nawpa ta chyhsa athaipa zy hruapa ta Seminar pitloh kawpa hneipa cha sa la, tahpa ta pathlupa a cha pahrapa tah pahnopa a cha.
MTP(H),Siaha ta zala pati (Dinner) pahah ngasapa pachhuah panohpa ta, Town Branch chhithatuhpa Meeting ahlao theipa zy, nie pahmaohna hnei Khei.Eima Mara rah siaha khihpi cha atahma tawhta hmalana thatlo kawpa ta lalaih lyma leipa ta a cha khiata cha, Marasawzy eima mara rah khihpi siaha khihpi chho liata paritheipa atao tuhpazy ta khichho liata khotalai kawpa ta zuah thlaha ei ta, paritheipa atao tuhpazy chhao ta, khiliah liata ama kho dah hawh ta tah pari ei ta, paritheipa taokhopa chyhsa thokhazy ta la thloh liata zy tao laih thla bah ei ta, ama chao luh chhao hmata apahno khao leingana taihta paritheipa tao theiha ei ta, athuhny pathao ngahai.
