SIAHA HERALD DAILY NEWS

RAM HRUAITU THAR TE TAN A LAWMPUINA LEH DUHSAKNA…

Zoram inthlanpui vawi 10 na a, sorkarna chang thei a thlantlin in nih avangin, lawmpuina leh duhsakna sangber ka hlan a che u. Kan ramin hma a sawn theihna tur leh intodelhna kawng a kan Zoram chawikang thei tura mipui in, in laka rinna leh beiseina an neihsan ber avanga an thlan tlin che u ang ngei in, kan Zoram in kaih hruai ngei pawh kan ringa kan beisei na a sang hle.
Khawpui kawngte, Hydel project lam te, leh Zoram mamawh thil etc – mipuite rual awhna authawm ngaipawhmawh leh, neitu chan chang a in rawn tih hlawhtlin ngei pawh kan beisei a. Central lam pawh an rawn inhuam viau tih Pi Sonia Gandhi tangkam ah khan a lang.
Ram tan remna leh muanna in thlen tawh a, tun ah chuan step thar, Zoram mamawh diktak, development lam te, corruption umbo te thlengin, nakin zel a, roreltu dangte, state then-awm leh, India ram pumin ‘Kristian state chu an danglam khawp mai’ ti a, an entawn tlak ni tur a, ‘tan in rawn lak ngei theihnan’ tawngtaina nen duhsakna kan rawn hlan a che u.
Mizo kan nih ang-in, Mizoram hi khawvel a ‘ka ram’ kan tih ve theih chhun, kan ram neih chhun a ni a, kan hmangaih in kan rilru pawh a luah khat hle. Mizoram a changkan chuan, khawihmunah pawh kal ila, Mizo nih pawh a nuam ang a, a ti changkangtu ram hruaitu te – thangthar zel ten an la rawn fakin, an la rawn chawimawi ang che u.
___________________________________________________________

Saiha, Date 13th.January.09 (Tuesday):Mihring nuna pawimawhber chu, Rinawmna, Dikna, Dawhtheina leh Taimakna te hi a ni. Mahse, lei hringmi duhamna a khat leh nitin hmasawn duhte tan chuan khing achunga thute zawm tur chuan thil harsa tak a ni hmel!! Takin, Tunlai kan ram Politics hi thlir teh ang, Ram hmangaih vanga chhuak nia insawi te hi lehlama chuan an sawidi ve maithei a sin, Opposition-a awm chung hi chuan Unit President pawh tluklo an tih kha maw? Hmasawn zel an duh a, an bial mipuite tana hnathawk an duh meusi a ni chuan dem vak chi pawh a ni lemlo, amaerawh chu an chhuasan takte leh an mahni siamlian tute tan chuan thil tenawm tak a ni ngeih ang. Nihna duh avanga party chhuasan anga sawina te pawh hi adik, mahni bial mipuite tan leh Ram tana hnathawk an duh a ni chuan Nihna tha chu an vuan ngeih angai meusi a ni!!
Mahse, Patling MDC tana thlantlin an ni laia an thutiam te, Sorekarna siam tura an thutiam te ngaituah erawh chuan demawm tak an ni leh lawi si a ni. Tin, Hetianga MADC a sorkarna a inthlak fo mai erawh hi chu thil duhawm a ni lemlo. Lelam atanga han thlir erawh chuan hetianga sorkarna inthlak thin hi athatna reu a awm le lawisi a ni.
Atawpber na atan chuan MADC a sorkarna thar piangtur hian Officer te hnathawk hmanlo a Posting & Transfer siam lo hram turin duhsakna sangber kan hlanm e. Mara ram leh hnam tan ….
__________________________________________________________________________

Date 27.10.2008 : Zanlai thlifim?! : Thlakhat aliam hnu tawh atang khan Saiha Herald News Team te chuan Saiha Khawpui-a thalaiten engang chiahin ngen Zanlam hun an hman tih zirchiang tawh thinin hmun filarial hrang hrang leh ZU tamna hmun hrang hrangah kalin, kan theih ang tawkin kan zirchiang thina, chuta zep rual lova thil kan hmuh chu;
Hmeichhe tlerawl Zu in an tam! :Tlailam Dar 3-5:00pm hian hmeichhe tleirawl fel hmel tak tak Zu in tura Taxi hmanga, zu awmna (Aveng hming kan thup) pan thin an tam phian! Mithenkhat chuan zu an duh avanga an hmeichhiatna tih khawlo pawh pawisakna chang hrelo an tam!
KS kan awm em? : awm e..Saiha Town chhunga KS kan tih, atam zawkte hi Zanlam ai maha tlailam leh chhun pachanga thawkchhuak thin an tam! Zan lama vak KS kan tih ang chi hi chu Auto Rickshaw leh aremchanna apianga mu mai thinte an ni tlangpui.. Hetiang hohi atamzawk hi chu Saiha khaw pawnlam atanga lopem/awmte an ni chawk. Tin mipangai tak anga lang, Sunday inkhawm pawh thul mang lova inkawm thin, chhun lama Officer leh sum neihtam zawkte pan thin hi kan tam! Henghote hian atlangpuiin Mobile Hanset, Incheina, Sum etc duhvang an ni tlangpui, hetianga kan awmna chhan hi midangte anga rual pawh veh kan duh lutuk leh kan khawsakna ina aphakbaka lan mawi kan tum, kan phak silo avanga awm kan ni tih ila kan sawisual lem lovang…hengte hian Zu ah pawh Local aiin Asen chi an duh zawk tlat pek a!!!!
Engpawhnise… hetiang dona kawngah hian tun aia chak zawka hma kan lak theuh angai

__________________________________________________________________________

Zoram Politics ah mithar : MLA kanlo inthlang thin, Kan MLA thlantlinte khan kan Mara ram tan thil tha an tihlo chu kan ti haulo, mahse ram leh hnam tana thil chhinchhia tlak, kan tu leh fate hun loawm zel tur atana rochun tlak erawh an tilo niin alang.

MLA hi kanlo thlang thin, mahse awmze neih MLA hi kan neih khat angreng a, chuvangin mipuite pawh hian Sawrkarna a tel theitur, MLA huaisen leh fel, mi rinawm, ram leh hnam tana mi hmantlak ni theitur hi tun MLA ah hian kan thlan tlin angai takzet a ni. Kan MLA nilai mekte leh nihtum mekte hi an mimal leh party angzawng pawhin bihchiana atu hi nge ram leh hnam atana mi hmantlak tih kan zirchian angai takzet a ni. Kan hriat theu angina tunhma Kan MLA te khan Policy tha tak tak min fah thin a, mahse ataka an puitlin erawh a awm lemlo… chuvang tak chua ram leh hnam tana thatur a ni chuan mi thar hi kan thlanchhua a, kan enchhin ngam angai takzet a ni. Tui pawh hi hmun danga luang lova, hmun khatah a awm reng chuan hman tlaklo a ni thin an ti em ni kha?
Keizawng ka thalai puite hian thalaite hmakhua ngaituahmi leh ram hruaitu atana rintlak, min phatsan lotu tur hi kan mamawh berh niin zuk hre lehpek tlat a… Hmelthar chu kan mamawh hle a ni hi.