ARTICLE

• Puhpa Pachi Hlychho , Article >> MARA PHO ZIE

• Puhpa Hiphei, Ex-MP, Article >> FUTURE OF THE MARA LANGUAGE

• Laisa Elvina Ngôkhingia T.Azyu, Article >> Apôhkhana lâthlôh

_________________________________

Engineering Medical College kan mamawh

by,    Mawitea

Tun dinhmun han thlir hian Mizoramin a mamawh lian tak mai chu thiamna leh hmasawnna (Education and Development) ngaih pawimawh hi a ni awm e. Thiamna leh hmasawnna hi a kal kawp loh chuan a mal chuan a tha ziktluak ngai lo.
India ram pum thlirin State dangte chu anmahni a Engineering Medical College nei fir fer vek an nih tawh a. Engineering college phei chu 200 chuang nei an tam em em a ni. (Tamilnadu, Kerala, etc.) India ramah ngei pawh hian inti hnampui ho hian zirna leh a kaihhnawihte hi an ngai pawimawh thin hle in a hriat theih ang. Anni pawh hian an neihna a rei tawh a, a bultanna chu harsa tak, a tangkaina aia a hautakna chawivawngtu tam tak an awm ve ngei ang. Mahse thil tha chuan thil tha a hring tih an varpawh hmasa thin khu an ropuina kan ti lo thei lovang.
Hawh u hmasawnna ruhrel I remkhawm thiam ang u, tih hi kan insawmna a ni. Heng kan hmasawnna ti hlawhtling tur chuan Politician-te pawimawhna a lian ber a, kan rama mithiam rual, mahni pumpuarna mai ngaihtuah lo, ram tan engnge rawtna tha (philosophy) ka pek ve ang, tih ngaihtuah rengtute leh mipui hmasawnna rotling vei pha tlemte tan pawh thanharh a hun ta. Thu tha hla tha kan hriatte kan la ngawihbopui mai mai dawn em ni? State dangte kan thlau lutuk dawn e, kan dinhmun ataka hre pha tan chuan a zahthlak tawh tak zet a nih hi. Vai, kan hmuhsit ve em em te khuan enge in ramah zirna hrang hrang awm te? tia min zawhte hian hmai a uang lo thin em mai!
Hmar chhak State bik hi han chhui leh lawk ila. Engg/ Med College, an mahni puala nei deuhvek an ni hlawm. Heng, Assam, Manipur, Arunachal Pradesh, Tripura, Meghalaya te chuan an nei fir fer tawh. Nagaland leh Mizoram hi a hnungdawlah kan indah tha em ni aw tih tur a ni a. Nagaland pawh hian min la hmakhalh leh maiin a rin awm. Hmasawnna kawnga a hnungdawltu nih reng hi ava ninawm tawh em. Keini aiin phailam a kan sawrkar hotute hian min rawn veipui tamah zawk em ni le? Union Minister pakhat Jairam Ramesh meuh pawhin hmalak pui a, a tul anga min nawrpui a inhuam hle a nih kha, a rang lama a lungphum pawh phum a duh ut ut tawh a ni lawmni kha?
Heng kan han sawi tak zirna hmun tha hian state hmasawnnaah kawngro nasa tak a su dawn a, Engineering leh Medical Course zirnana seat hauhna leh a zirna atana sum tamtak kan sen ralte kha kan state chhungah kan hum thei tawh dawn bawk a ni. Hemi kawnga MZP ten zirna kawnga hmalak an tumna zinga an telh hi thil tihawm leh tultak a ni a. Hmalak an tum mek pawh hi a hlawhtlin thuai i lo beisei ang u. Hmasawnna hrang hrangte hi a mipuite kutah a innghat tlat a ni tih hi hre reng chunga beih fan fan a hun ta.

Source : vanglaini.org